الكتب الإلكترونية / شعر / درفتين... ومدا

"دَرفتين... ومَدا" شِعِر بالمحكيّه اللبنانيّه، وهوي مجموعتي الشعريّه الأولى. طبعتو بمطبعة أميون سنة ٢٠١٧. الكتاب بيتألف من ١٤٢ صفحه: ورق وألوان وإخراج بليقو بالشعر. وفيه ٨٨ قصيده بتتناول الحب والانسان والبيّ والام والله والولاد والارض والسما والطبيعه والشِعر والشعرا واشخاص منحبن وبيبقو بالبال وبيحكي عن مناطق من لبنان. الغلاف تصميم نيتسا مقبل. الكتاب ما بيحتوي على مقدمه وما مرق ع عين حدا قبل ما اطبعو تاكون مسؤول عن كل حرف من حروفو. وقعت الكتاب ببيت المحامي ببيروت ٠٨/١٠/٢٠١٧ برعاية وحضور نقيب المحامين وحضور كبير من الأحبا. وصار في توقيع تاني بكفرشيما ضيعتي وبأكتر من مطرح برّات لبنان. بتمنى يفوت ع قلوبكن...