الكتب الإلكترونية / شعر / حكايتك يا شاعر

انشقي يا أرض وابلعيني، او لأي كوكب تاني بيعيني، أصل اللي شوفته فيكي مكنش قليل، ومكنتش بتكلم، لان كنت بقول لسه عيل، والنهارده رفضت السكوت، وجاي بقولك بأعلى صوت، أنا رافض، أعيش فيكي، واديني بقولك كفايه ذنوب، كفايه دم غطاكي كفايه حروب، يا أرض ربنا ابتلاكي ببني آدمين، تقدموا في كل شيء، وبرضو لسه متخلفين، معادش حد بقى بيخاف على حد، كله بقى بيقول نفسي نفسي، والنفس أمارة بالسوء، نسيتنا اخواتنا علشانها، إمتى نصحى ونفوق، طفل فلسطيني بيندبح، طفل بورما بيتعذب، طفل سوريا طفل ليبيا، طفل العراق طفل غزه، كل أطفال العرب في عذاب، لا بقى فيه رحمة في قلب عدو، ولا مساندة من الاحباب، والضيف بقى صاحب البيت، وأصحاب البيت بَقُم أغراب.