الكتب الإلكترونية / أقوال / غيمة وقمر

الانعزال والبعد عن الناس من فترة لفترة، والاستغناء عن بواقي ذكريات قديمة وحاجات كتير مشوهة جواك من سنين، بتقرر فجأة الاستغناء عنها، والاستقلال بذاتك ونفسك وروحك. بالنسبة ليا دي حاجات ممكن ومع الإصرار عليها توصلك للسلام النفسي والداخلي، وتبقى بعيد عن الدوشة وأي حاجة مزعجة وليها صوت عالي، فتبعد وتبعد. لحد ما كل جزء فيك غير مرمم يستعيد الحياة من جديد. عدم التواصل مع البشر بشكل متكرر دا راحة كبيرة جدًا، مثلًا اللي بياخد إجازه من شغله لمدة شهر، هنا بيقرر ياخد راحة لدماغه من تعب ودوشة ناس كتير، والشغل والتعب. عشان الإنسان يكون سوي، ويكون له قدرة عالية على التجاوز بين فترة والتانية يبعد عن كل حاجة مسببة له ضغط وقلق، يقرر يريح شوية، ياخد نفسه، عشان يقدر يكمل. خصِّص ليك يوم في الأسبوع وابعد، متخليش الباب موارب، اقفله خالص، يعني لما تبعد، ابعد بتاتًا عشان لما ترجع، ترجع أقوى وأجمد.